مشاركة إحدي الأعضاء بالجروب الخاص بالتقديم للضباط المتخصصين " لليوم الأول من سحب الملفات " للعام 2018

ملخص الللي حصل النهارده سريعا ..

** حاول توصل بدري تبقا هناك علي الساعه ٦ عشان الاعداد كبيره وبتاخد وقت علي ما تخلص

** الشباب بيدخل من بوابه ٤ والامن بيركز علي الشعر والدقن ورجع كذا حد يحلق شعره

** بتعدي من الامن يقول اللي معاه تليفون يسيبه في الامانات بتروح توقف في الطابور بتسلم الموبابل وتاخد رقم تحافظ عليه

** بتقف بعد كده في طابور تتفتش وتروح تقعد علي كرسي تحت المظله ويجيلك الرائد ويقول المطلوب

** نده علي الجامعات الخاصه والاكادميات والجامعات الاجنبيه ودفعه ٢٠١٦ وخرجهم كلهم ومشاهم ملهمش تقديم

** اللي ليه تقديم خاص طب واسنان ومعهد السفن ومعهد الطيران امبابه وبسسس

** خلاص عديت المظله بتدخل يستلمك رائد تاني سأل علي التقديرات والطول ومسموح لهندسه بس بمقبول فيما عدا ذلك روحهم

** الشبابيك متقسمه حسب الكليات بتقف في طابور وتدخل تدفع ال ٢٠٠ ج وتقيس طول ووزن وتستلم ملف المرحله الاولي والتانيه

** استلمت الملف بتدخل علي صاله التصوير وتاخد دورك وتتصور

** خلصت تصوير بتطلع غلي القاعه فوق بتلاقي ظابط بيشرحلك الملف هتعمل فيه ايه واللي عنده سؤال بيساله عالسريع

** متنساش تراجع الملف كويس عشان ناس كتير كان فيه ورق ناقص ووقفنا طابور علي ما نا الناقص

** بتطلع تستلم الصور بتاعتك وبكده اليوم خلص

** انا وصلت الساعه ٦ ص خلصت الساعه ٩

** طب بشري وهندسه لازم الكارنيه وتصريح المزاوله وشهاده الامتياز وانا بصراحه لسه قدامي شهرين علي ما اخدهم بس سحبت الملف ربنا يستر واعرف اسلمه بقا