النيابة العامة - معلومات هامة متعلقة بالمتقدمين للنيابة العامة

معلومات هامة متعلقة بالمتقدمين للنيابة العامة :
1- عنوان بيع ملف النيابه العامه؟
ج/ تروح دار القضاء العالى وهتلاقى كل حاجة هناك تركب مترو الانفاق وتنزل محطة جمال عبد الناصر وتطلع من النفق ورا اليفطة الى مكتوب عليها دار القضاء اول ما تطلع هتلاقى فى وشك يفطة مكتوب عليها محكمة النقض تسبها وتمشى وتدخل من الباب التانى .............وده الوصف تفصيلا بالنسبة للاعضاء الغير ساكنين بالقاهرة.
2- بالنسبة للوالد المتوفى هل يستعاض عن البطاقة بشهاده الوفاه وتحل محل البطاقةالشخصية للوالد وصحيفته الجنائية؟
ج/ بالنسبه لموقفك اخى الكريم فحسب ماحدث مااحد الزملاء انه قام بااحضار شهادة الوفاة وصورة البطاقه
طبعا صحيفة الحالة الجنائيه غير مطلوبه بالنسبه لمن فى هذا الظرف
بخصوص شهادة الموهل تستطيع التوجه لمصلحه عمل الوالد بالشئون الاداريه وطلب شهادة معتمدة بااخر درجة وظيفية كان يشغلها الوالد والموهل المعين به لانهم يحتفظون بملف الوالد الوظيفى
ويرجى التاكد من ذلك من الموظف عند سحب الملف.
3- متى يكون تقديم الملف؟
ج/ يوجد لوحه في دار القضاء العالي مبين بها مواعيد تقديم الملف لكل جامعه علي حدي.
4 - هل يحق للموظف فى جهة حكومية ان يتقدم للالتحاق بالنيابة العامة وهو صحيح قانونا ولكن هل للجنة السباعية اعتبارات اخرى فيما يتعلق بهذا الموضوع؟
ج/ لايكون للجنه السباعية اعتبارات اخرى فى هذا المقام فهم شيوخ القضاه ولو كان كل من يعين فى وظيفه حكوميه ما نعا من قبوله فى النيابه العامه ما وجدت معيدا فى القضاء ولكن هذا غير حاصل فمعظم الساده المعيدين ممن يتقدموا للعمل فى الهيئات القضائيه يتم قبولهم متى استوفوا الشروط التى ترتأيها اللجنه السباعيه والتى اذا ما توافرت كان القبول فى ذلك المنصب الرفيع.
5- إزاي أجيب الصحيفة الجنائية لوالدي وهو مسافر ، أو ايه اللي ممكن يثبت ذلك زي ما مكتوب في الشرط؟
ج/ فيما يتعلق بالصحيفه الجنائيه للوالد الوالد عند سفره خارج البلاد اطمئن على عدم وجود احكام عليه وبالتالى ممكن تذهب لجوازات وهما حيفدوك أكثر فى الحكايه ده وبالتوفيق باذن الله .
6- توضيح طبيعة مقابلة التفتيش القضائي من اجل الاستعداد لها ؟
ج/ هذه المقابله يحاورك عضو التفتيش فيها فى امور مكتوبه فى ملفك يستفهم منك ويتاكد مما كتبته فى الملف وذلك فيما يتعلق بالوالد والوالده والاخوه والاخوات وغيرهم.
7- بخصوص الشرط دا لو سمحتوا
12-شهادة معتمده من جهة عمال الوالد موضحا بها وظيفته الحالية والراتب الشهرى والمؤهل الدراسى المعين به والمؤهل الحالى ان وجد؟
ج/ هذا الشرط خاص بمن كان والده يعمل بجهه حكومية.
8- هل يجوز سحب الملف من غير المتقدم مع العلم انه معه صورة بطاقة المتقدم؟
ج / يجوز ذلك تقدم صوره البطاقه ومبلغ خمسين جنيه وبهذا يجوز سحب الملف ولو عن طريق غير المتقدم ومن الممكن لشخص واحد ان يسحب لزملاءه وذلك عن طريق صور بطاقتهم والمبلغ المذكور لكل واحد منهم والهدف من البطاقه ليس لاثبات انه خريج حقوق او شريعه ولكن حتى يكتب الموظف المختص الاسم على الملف بدلا من سماعه من المتقدم مع ما يحمله ذلك من بطء فى توزيع الملفات.
9- هل لازم صحيفة الحاله الجنائيه لللوالد حتى لو كان ضابط او عضوهيئة قضائية؟
ج/ أعتقد ان من كان والده من الساده الضباط والساده اعضاء الهيئات القضائيه معفى من هذا الشرط لانهم فى وظيفه تخضع للتحريات ليس فقط عند التعيين ولكن بصفه دوريه مما يعنى انهم ليس عليهم اى حكم طبعاوالا ما بقى فى وظيفته ومن ثم اعفاء ابنائهم من تقديم هذا المستند.
10 - استفسارات حول سند الملكية وحول ملكية من المقصوده ؟
ج/ المقصود بمستندات تدل على مكية الاسرة هنا ان تكون الملكية خاصة لاحد افراد الاسرة سواء الوالد او الوالدة او احد الاخوة او احدى الاخوات
بالنسبة لمستندات ملكية السيارة يتم تقديم صورة رخصة تسيير السيارة بالاضافة الى صورة سند نقل ملكية السيارة
اما بالنسبة للاراضى الزراعية فيتم تقديم صورة اى عقد ابتدائى او عقد مسجل او صورة سند من الجمعية الزراعية يفيد ملكيه الارض او صورة سند يفيد حيازة الارض الزراعيه
اما العقارات فيتم تقديم صورة من عقد ابتدائى او عقد مشهر بالشهر العقارى بالاضافة الى صورة من سند الضريبة العقارية كما نسميها بالعامية (المكلفة)و احداهما تكفى
و يلاحظ ان المطلوب صورة فقط من النستند الذى يثبت ملكية الاسرة
و يا جماعة لازم تاخدوا الموضوع ببساطة شديده يعنى بلاش تعقيد اهم حاجه تكون اوراقك سليمة
و ملاحظة هامة للجميع مش مقياس ان يكون عندك مستندات ملكية كتيرة او تكون غنى او حتى تكون فقير لان ده مش معيار.
_________________________________________
1- كان عندى استفسار بعد اذن حضراتكم انا دلوقتى مقدم على وظايف حكومية ماذا لو حدث اثناء اجراءات النيابة انى قبلت فى احدى الوظلئف هذة ماذا افعل فى هذة الحالة هل التزم بتقديم اقرار من جهة العمل التى قبلت فيها وياريت هل هذا يؤثر فى موقفى كمتقدم للنيابة وياريت توضيح الاجراءات المتبعة فى ذالك؟
ج/ المقصود بموافقة جهة العمل لمن يعمل وقت نزول الاعلان فليتزم بتقديم موافقة جهة العمل وذلك متى كان معينا لا متعاقدا اى انه مثبت فى وظيفه حكوميه اما من يعين بعد ذلك فلايلتزم بتقديم موافقة جهة العمل.
2- بالنسبة لتصوير الملف اصور الورق كله ولا اللى مذكور فقط فى الطلبات ....وهل اصور كمان الورق اللى هعمله تلات صور ؟
ج/ الذى يصور فقط هو وثيقه التعارف وتصور عدد 3 نسخ اما المستندات فلايتم تصويرها والهدف من تصوير الوثيقه ثلاث نسخ ان تلك النسخ المصوره تبعت للجهات المنوط بها اجراء التحريات على اختلاف انواعها اذن انت مطالب اولا بملىء الوثيقه وطلب التعيين والاوراق اللا صقه التى توجد مع الملف وتصوير الوثيقه بعد ملئها 3 نسخ وبهذا تكون جاهز لتسليم الملف مع تجهيز المستندات المطلوبه وتنظيمها تنظيما جيدا.
3- بالنسبه لاولاد العم والاخوال انا معرفش اسماء ازواجهم وانا مقيم بعيد عنهم لازم اكتب بيانتهم بالتفصيل؟
ج/ طبعا يراعى الدقه فى كتابه كل كلمه فى الوثيقه من اسماء ووظائف ومؤهلات وعنواين وارقام تليفونات واسماء الازواج والزوجات لان هذا سيتحرى عن كل كلمه فيه يراعى كامل الدقة يا شباب وربنا يوفقكم.
4- انا كنت عاوز اعرف بعد اذنكم هل الطول هيأثر فى قبولى فى النيابة وهل الطول والوزن بتفرق فى الاولوية فى القبول؟
ج/ ليس هناك أدنى مشكله لا يشترط الطول ولكن يجب ان يكون فى المعقول وليس من أن يكون قصير جدا‘ بحيث يتلائم مع الوظيفه ، فهذا لا يدخل تحت بند الأولويه المقصوده.
5- لو سمحتم يا جماعه هو انا لازم وانا بسحب الورق ارتدى بدله ولا مش لازم؟
ج/ طبعا مش لازم لكن لازم بدله بدايه من مقابله التفتيش وجميع المقابلات التاليه حتي يوم الكشف الطبي لازم بدله.
6- صائح هامه يجب مراعتها عند ملىء الملف؟
ج/ قبل ان تملاء الملف طبعا لازم تسمى بالله العظيم
تبدأ بوثيقة التعارفبتكون على شكل كراسة قبل لما تكتب فيها حاجه بتكتب فى ورقة خارجية كل اللى مطلوب فيها و لازم تكون متأكد من كل كلمة فيها يعنى لازم تتصل بقرايبك و تعرف المعلومة سليمة
متتكسفش من حاجه متزوج او مطلق او ارمل اكتب و متخفش لان ده حاجات ثانوية
اكتب المتوفيين اوعى تقول هيعرفوا منين بس جنبه اكتب متوفى
متتكسفش من وظيفة الاقارب ممكن فى غلطة تلاقى اتعرف كل حاجه
بعد لما تملأ فى ورقة خارجيه ابتدى انقل لكراسة التعارف بدقة و بخط حلو
هتلاقى حاجه اسمها الاصدقاء و المعارف نصيحة متكتبش فيها حد و ريح دماغك لو عايز تكتب اكتب ناس انت واثق منهم يعنى ميكونش منتمى سياسيا او احد اقربائه
بالنسبة لارقام التليفونات اتاكد منها و لازم تكتب ارقام تليفونات الناس القريبة منك اوى و بتثق فيهم الارقام دى هتفيدك اوى فى المستقبل
و بعد ما تخلصها تنزل تصورها تلات نسخ و لا اقولك خليهم خمسه تلاته هتقدمهم و اتنين احتفظ بيهم و ابقى ادعيلى لما تفهم ليه خليت معاك اتنين
دلوقتى الكراسة خلصت
تملأ باقى الملف من استمارة الطبى و غيرها
طبعا هتجيب الورق المطلوب من شهادة ميلاد و صورة البطاقة و صورة ورقة المعامله العسكرية و غيره من الورق المطلوب متنساش لما تصور الورق المطلوب تقديمه ابقى صوره مرتين نسخة هتحطها فى الملف و نسخة ليك
خلصت ملفك الحمد لله
لو كنت من اهل المنصورة الحبيبه يوم تقديم ملفك تصحى الساعه 4 الفجر تلبس و تنزل تحجز فى اول اتوبيس و لو معاك عربيه اطلع من خمسه و ربع على القاهره و صلى الفجر لما تقدم او فى الطريق
الساعه 7 و نص تقريبا هتلاقى نفسك قدام دار القضاء العالى المكان اللى سحبت منه ملفك هتروح هناك
هتاقى الموظف لسه بيفتح الباب وراه اوعى تسيبه
تديله الملف هيراجعه معاك و هيديك وصل فيه ميعاد خلى الوصل معاك و احفظ الميعاد زى اسمك
البس احلى لبس عندك اليوم ده بس يكون لبس خروج مش بدله
طبعا بعد لما تقدم الملف هتصلى الفجر لو مصلتوش و بعدها هتبقى فاضى خالص اطلع من دار اقضاء العالى انزل وسط البلد هناك محلات اكل جامده روح هناك افطر كويس و بعدها روح نادى القضاة او اى حته حلوة او اتمشى فى وسط البلد لحد لما تيجى الساعه 9 و نص او عشره
هتلاقى فيلم خارج عن القانون او الجزيرة فى روكسى فى وسط البلد ادخل الفيلم و اتمتع و بعدها اتمشى شويه فى البلد و اركب اول اتوبيس على المنصورة و انسى كل حاجه فى دنيتك ما عدا ميعاد اللى فى الوصل و انك تصلى الظهر و العصر قصر
و ربنا يوفقكم جميعا.
7- انا عندى حساب فى البنك لازم اجيب من البنك بيان بحسابى فيه؟
ج/ طبعا تأتى بافاده من البنك بمجمل المودع فى حسابك وتختم ذلك بخاتم البنك وياريت كل مستند يا شباب تعملوا منه نسختين عشان لما تنزل التحريات ليكم باذن الله حتقدموا المستندات هذه مره أخرى.
8- بعد ازنك معا الملف ورقتين مكتوب عليهم الهيئة العامة للتامين الصحى دول اعمل فيهم اة اروح التامين الصحى ولا اعمل ايه؟
ج/ لا طبعا لا تذهب للتامين الصحى ولكن كل ما عليك هو ان تكتب اسمك ان كان مطلوب فى هذه الورقة ذلك وتقوم بتدبيس صورتك الشخصية فى كل ورقة بمعنى ان عدد الصور الشخصية المطلوب تقديمها مع الملف ه 10 صور شخصيه 8 مطلوبين ضمن الاوراق المطلوبه وصورتين يتم تدبيسهم فى الورقتين الخاصين بالكشف الطبى.
9- عندى سؤال خاص بارقام تليفونات الاقارب الموجوده فى الملف هل يجب ذكرها وما الفائده من ذكره؟
ج/ ارقام التليفونات لها اهميه كبرى بالنسبة لك او بالنسبة للتحريات
يعنى فى تحريات المباحث امين الشرطة المسئول عن التحريات سيقوم بالاتصال باحد اقاربك المذكور رقم تليفونه و يسأله و قبل لما يسأله هيقوله انا بخصوص تحريات عن السيد كذا و احنا عارفين ان له اربع اعمام او فيما شابه ذلك طبعا ممكن لو انت كاتب معلومة غلط و بسذاجة قريبك اللى على التليفون يقول لاء ده احنا خمس اخوات
المهم الفائدة الثانيه ان عند التحريات او عند الكشف الطبى البشوات عايزين يوصلوا ليك و مش عارفين : يكلموك على البيت يجدوا ان رقم البيت مرفوع او محدش بيرد و يكلموك على الموبايل مقفول او انت اصلا غيرت الخط هيعملوا ايه؟
هيكلموا احد اقربائك و يقولوا لازم المدعو كذا يكون فى المكان الفلانى سواء فى القسم عند التحريات او فى دار القضاء عند الكشف الطبى
نقطة طبعا بوضحها و هى مسألة شائكه
واحد يسألنى و يقولى انا من الاخر مش عايز اكتب رقم قريب ليا لاحسن يعرف ان انا بقدم او انه بيخاف من الحسد محدش يضحك الحسد مذكور فى القرآن و لعلها حكمة فى نفس يعقوب المهم لو مش عايز تكتبه متكتبوش بس لازم تكتب ارقام قرايبك اوى زى ارقام اخواتك و اى حد قريبك اوى عشان صدقنى هيفيدك فى يوم و فى يوم تانى هيفرحك بأذن الرحمن.
10- هل لو الواحد والده خرج على المعاش برضه يجيب الشهادة المعتمدة من جهة عمل الوالد ام لا؟
ج/ طبعا تقوم بالاتيان بها من جهه عمله من واقع الملف الموجود لديهم الخاص به محددا فيه اخر درجه وظيفية شغلها قبل بلوغه سن المعاش.
1- ياجماعة انا مش عارف اكتب حاجة فى الملف لان الخانات صغيرة جدا وبعدين مكتوب ممنوع الشطب والتحشير طيب اتصرف ازاى ممكن انزل على الخانة الى تحتها ولا مش ممكن
وكان ليا سؤال تانى لو فيها اطالة بعد ازنكم انا ليا اعمام متوفيين بالنسبة لتاريخ ميلادهم انا عارف السنة بس ولكن اليوم والشهر معرفهمش وبعدين لو سألت عليهم هيبقى فيها احراج جدا اعمل اية هل اكتفى بكتابة سنة الميلاد بس ولا لازم اليوم والتاريخ ارجو الاجابة المفيدة؟
ج/ ممكن تنزل على الخانة اللى بعدها بس ده اللى يحكمه عدد الاسماء اللى حتكتبها فى الصفحه بمعنى لو كانت 4 غير لو كانت 8 على سبيل المثال .
فيما يتعلق بتواريخ الميلاد يكتفى بالسنه عند تعذر معرفه اليوم والشهر لان الغرض منها السن التقريبى لذلك الشخص .
1-س/ انا اعلم جيدا انة يجب عدم اغفال اى احد من الاقارب عند كتابة البيانات ولكن اذا تم اغفال احد من الاقارب ماهى الطرق التى من خلالها يمكن لجهة التحريات معرفة انة تم اغفال شخص هل يتم ذلك عن طريق البحث بالسجلات المدنية ام عن طريق الاتصال بالتلفون على اهل المتقدم وهل هناك طرق اخرى غير الطيقتين السابقين ارجو الاجابة
2- انا اعلم جيدا انة لو تم معرفة رقم البطاقة القومى لاى شخص وقامو بكتابة الرقم على الكمبيوتر فى السجل المدنى الذى يظهر فقط هو اسم الشخص صاحب البطاقة واسم زوجتة وابنائة فقط الذى اريد ان اعلمة هل بيظهر فى بيانات البطاقة اخوات الشخص صاحب البطاقة ارجو الرد
3- اطرح مثال لو هناك شخص لة عدد من الخالات والاخوال ولم يكتب اسم خالة لة هل يمكن معر فة انة قد اغفل خالة وماهى الطرق التى يمكن لجهة التحريات العلم بانة قد اخفاهامع العلم ان اسمها لم يظهر ببطاقات اى احد من اخواتها؟
ج/ السؤال الاول : بمجرد كتابة الاسم رباعى للجد او الجدة و هم عاملين بطاقة رقم قومى يتم معرفة اعمامك او اخوالك بالتفصيل
غير ان فيه امين شرطة او مخبر بينزل يسأل فى بلدك او بيسأل فى منطقة اقاربك و تم اكتشاف العديد من هؤلاء الذين غفلوا اقاربهم و تم استبعادهم بسبب ذلك
السؤال التانى مش بس فى الرقم القومى يا باشا لاء ده البحث الجنائى طور من نفسه و اتكتب كل الجنايات و الجنح المهمه على الشبكة الالكتروميه لوزارة الداخليه و بمجرد كتابة الاسم رباعى يظهر لكل شخص تاريخه و بيحصل تشابه اسماء كثيرا و يتم حل الموضوع بمجرد التحقق من محل اقامته
يتم معرفة عن طريق مشروع الرقم القومى بكاتبه الاسم و لا يشترط الرقم
و ايضا بالتحريات البدائية
3- هل يجوز تقديم الملف فى غير اليوم المخصص لجامعتى (اى فى يوم مخصص لجامعة اخرى )ام لا يجوز؟
ج/ وان كنت لاتستطيع الذهاب فى يوم جامعتك .. فهذا ليس فيه مشكله اطلاقا
فى يومين فى اخرالشهر لمن يتخلفوا عن موعدهم تقدر تروح فيهم
بالتوفيق
4- الاخوه المشرفين عندى بعض الاستفسارات وارجو اجابتى عليها لان الحاجات دى بجد مسببالى مشكله فى ملء البيانات:
1- انا عرفت ان الوالد اذا كان مش متعلم او تعليمه بسيط ده بيأثر على التعيين وان الوالد لازم يكون خريج جامعه وان المرشح يكون قاعد فى بيت ملك والكلام ده هل ده صحيح ولا اشاعات
2- تاريخ حصول والدى على المؤهل مستحيل اعرف اوصله لانه اتوفى وماحدش لا فى اخواته ولا فى قرايبنا كلهم يعرفوه وكذلك تعليم جدى وتاريخه محدش يعرفه لانه متوفى وعمامى كانوا صغيرين جدا ومحدش فيهم يعرف ايه الحل
3- الوالد المتوفى اكتب فين انه متوفى وبدل تاريخ ميلاده اكتب تاريخ وفاته و دخله اكتب معاشه ولا اكتب ايه ؟
ج/ بسم الله الرحمن الرحيم و الحمدلله والصلاة والسلام على رسول الله وعلى آله وصحبه أجمعين اكون شاكر لو مشرفينا الكرام اتا حو ليا الفرصه ان ارد على الاخ الفاضل اولا بالنسبه للوالد المتوفى يا اخ ميدو فى الملف بترفق معاه صوره من شهاده الوفاه وحكايه ان مؤهل الوالد بياثر فى التعيين دى مش بتاعتك دى بتاعه ربنا سبحانه وتعالى ولازم نعرف ان كل شيى نصيب وده بيقدره التفتيش القضائى واللجنه السباعيه فقط لا غير ومش لازم المتقدم يكون قاعد فى بيت ملك اما بالنسبه لمؤهل الوالد اسال عليه مثلا والدتك او ممكن تسال عليه فى المصلحه اللى والدك كان شغال فيها وشوف ملفه او فى المعاشات اذا كان تعليم عالى او متوسط او حتى بسيط بالنسبه لكتابه الملف بتكتب ان والدك متوفى فى خانه الوظيفه ده بعد كتابه الوظيفه نفسها اما بالنسبه للدخل هتكتب بيتقاضى معاش كذا واذا كان هناك دخل اخر اكتبه بس لازم يكون ده باثباتات سواء من المعاشات او الدخل الاخر اذا كان اموال مودوعه فى البنوك او سندات او فى البورصه الخ ومتكتبش تاريخ وفاته فى خانه تاريخ الميلاد اكتب اللى طلبه فى الخانه وبس وبالنسبه للاملاك اذا كانت عقارات هتجيب صور الحجج او صور البيع لوالدك واذا كان محلات وهكذا موفق بإذن الله ... لك مني أجمل تحية
5- يا جماعة هى التفتيش القضائى مين الى بيعد معاك ؟ موظف ولا ايه ب الظبط ؟
ج/ مقابلة التفتيش القضائى تكون مع مستشار من التفتيش القضائى بيكون فى اكتر من غرفة كل غرفة فيها مستشار وبتدخلوا واحد واحد الموظف معاه الكشوف هينده على اسمك تدخل وتقعد مع المستشار هيسالك فى الملف بتاعك عن حاجات كتير تقديرك اسمك اسم الوالد ومهنته وغيره .....مثلا ممكن انتا كاتب وظيفة معينة مش واضحة زى مثلا تاجر هيقولك تاجر ايه بالظبط او موظيف هيقولك موظف فين بالظبط وعلى هذا المنوال هتمشى المقابلة لغاية ما يخلص ويقولك اتفضل
الغرض من المقابلة تقييمك اجتماعيا.
1- يا جماعة هى التفتيش القضائى مين الى بيعد معاك ؟ موظف ولا ايه ب الظبط ؟
ج/ مقابلة التفتيش القضائى تكون مع مستشار من التفتيش القضائى بيكون فى اكتر من غرفة كل غرفة فيها مستشار وبتدخلوا واحد واحد الموظف معاه الكشوف هينده على اسمك تدخل وتقعد مع المستشار هيسالك فى الملف بتاعك عن حاجات كتير تقديرك اسمك اسم الوالد ومهنته وغيره .....مثلا ممكن انتا كاتب وظيفة معينة مش واضحة زى مثلا تاجر هيقولك تاجر ايه بالظبط او موظيف هيقولك موظف فين بالظبط وعلى هذا المنوال هتمشى المقابلة لغاية ما يخلص ويقولك اتفضل
الغرض من المقابلة تقييمك اجتماعيا
2- احب اعرف هل المفتش القضائى بيعطى درجات للمتقدم الواقف امامه ام انه يبحث فى الملف فقط ؟
ج/ لا يقوم مستشار التفتيش القضائى بأعطاء اى درجات للمتقدم الذى يكون أمامه وانما يقوم فقط بتقييمه من الناحية الاجتماعية عن طريق فحص الملف الخاص بالمرشح وتوجيه بعض الاسئلة البسيطة للمرشح عن وظائف اقاربه لاستيضاح اى غموض فى اى بيان مكتوب
3- هل تقييم مستشار التفتيش بيكون بكتابة المفتش القضائى بان هذا المرشح مقبول اجتماعيا (بمعنى بانه يقوم بكتابة تقرير عن كل مرشح ام ماذا يفل بعد فحص الملف)؟
ج/ مستشار التفتيش القضائى يقوم بتقييمك بشكل عام من خلال نموذج البيانات الخاص بك تقييم كامل هذا التقييم يدون تفصيلا فى استمارة امامه ولكن احب اطمن حضرتك ان كل هذه المقابلات ليس لها الاهمية الخطيرة التى قد يتصورها بعض الاعضاء حتى مقابلة اللجنة السباعية لكن حضرتك تعمل اللى عليك وتكتب بياناتك سليمة وتجاوب على كل الاسئلة تمام وسيب كل شئ على المولى عز وجل
احب اطمن جميع الاعضاء ان مقابلة التفتيش سهلة وبسيطة ولا تستدعى اى نوع من القلق او الارتباك اهم مقابلة فى نظرى هيا مقابلة اللجنة السباعية
4- هل يمكن ان يتطرق المفتش القضائى الى اسئلة قانونية للمرشح اثناء المقابلة
واذاكان هذا ممكن فما هى نوعية الأسئلة المتوقعة منه
وهل حدث ذلك من قبل ولونادرا؟
ج/ مقابلة التفتيش القضائى تنصب فقط على تقييم المتقدم من الناحية الاجتماعية فقط دون توجيه اى سؤال قانونى للمتقدم.
5- ارجو الرد مما لديه الخبرة هل يوجد اى تمييز او تفضيل ما بين طلاب الجامعات المختلفة على مستوى الجمهورية بخصوص القبول فى الهيئات القضائية ارجووووو الافاده؟
ج / الموضوع لا يقاس على هذا النحو فلا يوجد افضاليه ولكناذا نظرنا الى جامعة اسيوط وجامعة بيروت على سبيل المثال
فنجد ان اكبر عدد يقدم يكون من الجامعه الاولى والتى تضم العديد من المحافظات من المنيا حتى اسوان ونجد جامعة بيروت على سبيل المثال عدد المتقدمين قليل فالبمنطق يكون عدد المقبولين من الجامعه الاولى يكون اكبر من الاخيره
فالموضوع يحكمه التقدير والتوزيع الجغرافى بحيث يقوم بتغطية اكبر عدد من المحافظات
والنجاح فى المقابله والتحريات ....الخ
1- هل شرط الجيد بالنسبة للتراكمي فقط ولا بالنسبة للأربع سنوات ؟ بمعني لو في سنة مقبول هل دة يكون فقد الشرط الجيد؟؟؟
ج/ تراكمي جيد فقط .
2- هل مقابلة المفتش القضائي فيها قبول او رفض؟
ج/ قولا واحد " ليس لها علاقه بالقبول او الرفض.
3- لدي احد اقاربي يعمل بالخارج فهل لذلك تاثير عليا؟
ج/ لا وجود لاى تأثير على الاطلاق لوجود احد اقاربك يعمل فى الخارج
4- عندى استفسار انا كاتب اسم جدى ثلاثى هل ممكن اخلى المستشار يخليه رباعى ويضيف الاسم الرباعى
نقطه تانيه تواريخ ميلاد جدودى بالظبط انا مش عارفها بس كاتب السنه انما الايام و الشهر غير معروفين لدى العائلة كلها ما هو الحل فى هذة المسالة و باى شىء تقترح على؟
ج / بدايتا اخى فى الله تحية طيبة وبعد .... بالنسبة لاسم الجد الثلاثى فإمكانك ان تطلب من سيادة المستشار تكملة هذا الاسم او اى بيان ناقص ( وهو اساسا هيطلب منك كدة لا دة بيان جوهرى فى الملف ودة حصل معايا انا شخصيا ) اما بالنسبة للنقطة الثانية فيكتفى كتابة اقرب تاريخ ميلاد للجد وان لم يستدل علية يكتب تاريخ السنة فقط..... وهون عليك اخى الكريم وان شاء الله تعالى ستكون من المقبولين.
5- أنا مقدم فى العامة والأدارية هل سيكون هناك تأثير لاى من إحداهما على الأخرى؟
ج/ لا يوجد اي تاثير علي الاطلاق.
1- أنا حطيت 8 صور بس فى الملف وعرفت بعد كدة إنالمطلوب 10 صور أعمل أية؟
ج/ يباشا مش مهم ولا يوجد مشكلة وهذا لان لو كان لهما تأثير بالسلب او بالعجز فكان سيادة المستشار فى التفتيش القضائى قام بسؤالك عليهم عشان الغرض من المقابلة ازالة الغموض ولو كان يومجد بها مشكلة فكان سئلك عنهم واطمئن وادعى وتوكل على الله
2- مقابلة التفتيش القضائى هى فين بالظبط فى دار القضاء العالى؟
ج/ بالنسبه لمقابلة التفتيش القضائى الخاصة بمعاليك بتكون فى دار القضاء العالى الدور الثانى وبيتم مناداة الاسماء عشرة عشرة وكل مجموعة بتقف امام احدى الغرف والتى بيكون فيها مستشار التفتيش القضائى.
3- بالنسبة للمقابلة السباعية ممكن نركز على مواد أية بالظبط نراجع منها؟
ج/ بص اخى العزيز بالنسبة للنيابة العامة ممكن تركز على جنائى ثانية وثالثة ورابعة وخصوصا ثالثة ورابعة وبرضة بالنسبة للمدنى فى احكام الالتزام والاثبات والمرافعات وبالنسبة للادارية ممكن تركز على الادارى ثانية وثالثة يعنى مواضيع بتكون بارزة جدا.
4- متي تكون مقابله اللجنه السباعيه؟
ج / سوف يتم الاعلان عن ذلك داخل دار القضاء العالي وكل جامعه او جامعتين ليها يوم محدد علي حسب الظروف.
5- هل النجاح في مقابله اللجنه السباعيه معتمد علي اجابتي علي السؤال؟
ج/ النجاح في المقابله يقوم علي مجموعه من المعاير اولها توفيق المولي عز وجل ثم التقدير والمركز الاجتماعي والمالي للمرشح والاجابه علي السؤال ولكن بصراحه الاجابه غير معول عليها اوي في النيابه العامه بعكس مجلس الدوله.
1- ازاي اعرف اني نجحت في مقبله اللجنه السباعيه؟
ج/ اذا نزل لحضرتك تحريات تعرف انك اجتازت المرحله دي
2- عايز معلومات عن مقابله اللجنه السباعيه؟
ج/ بخصوص اسئلة النيابة العامة والمقابلة الشخصية
هذا الامر فى غاية اليسر المطلوب منك الاتى:
اولا: ازالة الرهبة التى قد تقتل الشخص من الخوف ويكون ذلك بالثقة فى الله عز وجل .
ثانيا : التركيز فى مزاكرة وقراءة الكتب الدراسية التى ترتبط بالمقابلة ،دون الاعتماد على الملخصات .
ثالثا : أن تكون لديك الثقة فى الله و الاجابة وأن تعطى هذه اللجنة احساس وانطباع بأنك فاهم الكلام الذى تقوله وذلك من خلال فهمك له فى المذاكرة فى هذا الموضوع نتناول ما يحدث فى هذه المقابلات عادة ومايوجه فى العادة الى المتقدمين من اسئلة وذلك كله فى ضوء سباعيات ماقبل دفعة 2009 بالا ضافة الى احدث أسئلة وجهت الى من ادوا السباعيه من خريجى 2009 من الجامعات التى انتهت بالفعل من اداء السباعية.
المقابلات الشخصية
هى فى حقيقتها تنقسم لشقين
- الشق الاول بحث مدى توافربعض المعايير فى الشخص المرشح للتعيين بالنسبة للمركز والمستوى الاجتماعى الخاص باى من هذه الوظائف كل على حدى
مثل الشكل والمظهر اللائق وعدم الاعاقة الذهنية او الجسدية الظاهرة (كالفافاة والتلعسم فى الكلام والشلل الجزئى والتعرج وووو .........)
-اما الشق الثانى اختبار شفوى تسال فيه كل جهة قضائية عن النقاط القانونية التى ترتبط بطبيعة العمل بها اكثر من غيرها من النصوص القانونية الاخرى
فالنيابة العامة تدور اسئلتها حول علم الاجرام والعقاب و القانون الجنائى القسم العام لقانون العقوبات والقسم الخاص لقانون العقوبات وقانون الاجراءات الجنائية
اما مجلس الدولة وهيئة قضايا الدولة والنيابة الادارية فتدور اسئلتهم حول اغلب افرع القانون المتعددة كالقانون الدستورى والادارى والمرافعات والتنفيذ والتجارى والمدنى والقضاء الادارىووو.....
• ويعتبر المرشح ناجح اذا حصل على علامة صح من اغلبية المصوتين من لجنة المقابلة اى 4 علامات صح من مجموع 7 اصوات و2 صوت (صوتين) من 3 اصوات .
المراحل التى تمر بها فى المقابلات الشخصية للنيابة العامة
1- التعرف علي الميعاد من الكشف الذي سيعلق بدار القضاء الاعلي
2- التاكد من وجود اسمك مدرج فى الكشف المعد للاسماء و المقرر اجراء المقابلات لهم فى ذات اليوم ، ثم الامضاء امام اسمك بعلمك بذلك وبوجودك فى ذات اليوم فى ذات المبنى
3- الدخول للغرفة المعدة للامتحان ، حسب الترتيب النهائى لمجموع الدرجات النهائية فى الليسانس ،
ويكون حوالى كل 10 مرشحين فى كل مرة
4- على كل مرشح ان يقوم بسحب ورقتين ، كل ورقة فيها سوال واحد ، وياخذ دقيقة يفكر فى الاجابة ، وعند المناداة على اسمك ، تقوم بالاجابة على سؤال واحد فقط ، ولا يطلب منك الاجابة على السؤالين
اللجنه تنعقد مابين الحاديه عشر والثانية عشر ظهرا
عندما تذهب ستجد كشف به اسماء من سيقومو بالدخول تقوم بالبحث عن اسمك وتقوم بالتوقيع جانبه ثم تنتظر لحين حضور مجلس القضاء(السباعيه(
عند انعقاد اللجنه السباعيه يتم المناده على الاسماء عشره عشره
وعند وقوف العشره الذين سيدخلون على الباب ينبههم احد الاشخاص بانهم سوف يقمون بسحب ورقتين اسئله من على المنضده التى امامك ثم تنقسمون لمجموعتين داخل الغرفه الخمسه الاولنين سيقمون بالجلوس يمينا والخمسه الاخرين شمالا ثم يقوم احد اعضاء المجلس بمنادة الاسماء فيقوم الشخص بذكر السؤال واجابته
3- بالنسبة للمقابلة اللجنة السباعية الزى بدلة طبعا بس انا سمعت ان لازم يكون البدلة لونها اسود وقميص ابيض هل ده فعلا صحيح ولا لا؟
ج/ سيدى الفضل لا يوجد لون معين للبدله والتى ستتقدم بها امام اللجنة السباعية يا سيدى اى بدلة وخلاص المهم بس الشياكة والثقة واللباقة فى التحدث امام اللجنة
4- لو واحد ما عرفش يجاوب مثلا يعمل ايه يسكت ولا يقول ايه بالظبط؟
ج / ساعتها ترد بمنتهى الهدوء والذوق وتقول (لو يسمحلى الساده المستشارين ان اسحب ورقة سؤال اخرى) واؤكدلك انهم سيسمحون لك اما لو لم يسمحوا فقل وانت شديد الهدوء(اسف لا اتذكر على وجه الدقه الاجابه )وتذكر وانت تقول ذلك ان تلزم الهدوء الشديد اللى يوصل لدرجة البرود والثقه فى النفس
5- بالنسبه للاستفسار عن البدلة والأزرار؟
ج/ البدلة والأزرار قاعدة التعامل مع أزرار البدلة كالتالي :
وانت قاعد لازم تكون كل الأزرار مفتوحة
انما لما تقف لازم تقفل تاني زرار من تحت لأن فيه بدلات بـ 3 أزرار وفيه بدلات بـ 2 بس
يبقى في حالة بدلة بزرارين بتقفل اللي فوق
ولو البدلة بـ 3 أزرار بتقفل اللي في النص لحظة وقوفك ولو أثناء مشي تقفل اللي فوقه كمان وتسيب اللي تحت بس مفتوح
بالنسبة للألوان بدل المقابلات الرسمية بيفضل الألوان الغامقة : أسود او كحلي
بالنسبة لألوان الكرافات : السيلفر الأسود والمنقط والروز دي أرقى حاجة في 2008 بلاش مقلم وافضلهم طبعا السيلفر الاسود
بالنسبة للقميص طبعا سادة ويفضل الأبيض بلاش مقلم زي الموضة دلوقتي لان احنا رايحين مقابلة رسمية.
6- اجراءات التحريات؟
ج / بيقوم مندوب امن الدولة بالاتصال بكعلى الموبايل ويطلب منك تصوير وثيقة التعارف الخاصة بيك وارسالها الية او يقوم بابلاغك بانة سوف ياتى الى منزلك
وياخذ منك اسماء الاقارب التى يقوم بالكشف عليها لمعرفة اذا كان ليك حد مسجل امن دولة ام لا
ثم يقومون بكتابة التقرير النهائى عن تحرياتك ويرسلوة الى الهيئة بعد كدة بيجيلك البحث الجنائى بردة بيتصل بيك او يطلب منك انك تذهب الى القسم اللى انت تابع لية وايضا بيكشف على الاسماء ويكتب تقرير ويرسلة الى الهيئة سواء كان التقرير بالسلب او الايجاب ثم ياتى بعد ذلك الامن القومى اى المخابرات وهذا قد ياتى اليك المنزل فى صورة موظف احصاء وبياخد منك شوية بيانات وقد لا ياتى اليك اصلا لان المفروض ان تحريات الامن القومى سرية ولايشعر بها المرشح وايضا بينكتب تقرير وبيتم ارسالة الى الهيئة وبكدة تكون التحريات انتهت.