النيابة العامة - شرح مفصل لكل ما تريدة من سحب الملف الي القبول

كل ما يخص النيابة العامة من اول يوم ل حلف اليمين
التقدير يبدأ من جيد كحد ادني للتقديم 

أولاً:- السحب والتقديم

أ‌- ميعادالسحب
يوم ...حسب الوارد فى الاعلان... ان شاء الله هتروحوا تسحبو الملف وسعر الملف 500 جنيه وميعاد السحب هيبقى حسب الوارد فى الاعلان........إلى يوم ......حسب الاعلان... ودا نفس ميعاد التقديم أىانك خلال هذه المدة تسحب الملف وتقدمه وطبعاً الملف بيتسحب من محكمة النقض و اللي عنوانها طبعاً 

غنى عن التعريف

ب- التقديم
(التقديم طبعاً في نفس مكان السحب)

ثانياً : المقابلةالشخصية

هنا بقى الاختلاف اللى فى النيابة العامة عن بقية الهيئات الاخرى نوضح:-
كل الهيئات الاخرى المقابلة فيها مرة واحدة بس الا العامة فيها ثلاث مقابلات ككل

1.  التفتيش القضائى
2. مقابلة المحامى العام فى محافظتك
3. المقابلة النهائية ( اللجنة السباعية )

ولكن طبعاً المقابلة رقم 2 اتلغت (مقابلة المحامى العام فى محافظتك) وأصبحت العامة مقابلتين فقط ونوضح كل مقابلة بيحصل فيها ايه بالظبط ( يارب أكون بفيدكم):-

1. التفتيش القضائى
دى أول مقابلة بيعملها المرشح للنيابة العامة ودى مقابلة عادية جداً بتتسأل فيها عن بعض المعلومات اللى فى الملف بتاعك وممكن متتسألش أصلاً عن حاجة تروح وتقف امامه يبص فى الملف بتاعك وبعدين يبصلك كده بصة وبعدين يقولك اتكل على الله مع السلامة بس يعنى مقابلة عادية جداً متقلقش يا وحش .

2. السباعية
ودى بقى المهمة لأنك هتكون أمام أكبر سبع مستشارين فى العامة مش معنى كده انك تخاف لأ أوعى تتهز يا وحش دايماً خليك واثق من نفسك انت هتروح يا باشا حسب ميعاد جامعتك واللى هتعرفه من التليفون اللى هيجيلك بعد مقابلة التفتيش القضائى الموظف اللى هيكلمك هيقولك حضرتك عندك مقابلة يوم كذا يا باشا الساعة كذا هتروح هتلاقى جامعتك كلها هناك هيوزعوكم فى مجموعات المجموعة 10 الترتيب دائماً حسب المجموع التراكمى وهتلاقو ترابيزة موضوع عليها ورق الاسئلة كل واحد هيسحب ورقتين كل ورقة فيها سؤال يختار واحد يجاوب عليه امام اللجنة حد بقى ناقشك فى السؤال مش مهم لم يناقشك مش مشكلة المهم انك هتجاوب هيروح المستشار رئيس اللجنة كده ضاربلك بصة ولما العشرة يخلص كل واحد اجابته هيقولولكم اتفضلو وخلاص زى أى مقابلة كل اللى فيها ان الاسئلة مكتوبة بس مش أكتر المهم ذاكر الاسئلة اللى موجودة على صفحتنا بس ومتخافش بس يا عم العملية مش صعبة يعنى .
وبعد كده الانتظار لحين نزول تحريات .
 

المصدر :
صفحة : النيابة العامة دفعة 2013
علي الفيس بوك

ثالثاً :- نزول التحريات
كل اللي جايب 70% واكتر بتنزله تحريات اما اللي نسبته المئوية اقل من 70% لازم ينجح في المقابلة عشان تنزله تحريات ...
طبعاً هنا بقى العامة غالباً بتعمل تحرياتها لوحدها ملهاش دعوة بالتحريات اللى كانت معمولة فى الهيئات الاخرى بمعنى لو ليك تحريات سابقة فى الوزارة العامة ملهاش دعوة بتنزلك تحريات من جديد وطبعاً العامة تحرياتها ثلاثة تحريات
1. أمن الدولة .
2. المباحث .
3. الامن القومى ( المخابرات )
رابعاً:- مرحلة ما بعد التحريات
(الانتظارثم الانتظار ثم الانتظار )
راجع المشاركة السابقة بالنيابة الادارية
سادساً :- الكشف الطبى
(الف الف مبروك ياباشا)
سابعاً :-نزول أسماء المعينين في الجرائدالرسمية
(والله الف مبروك ياباشا بس متنساناش وربنا يقدرك ويعينك على أداء مهامك الوظيفية على أكمل وجه )
هااااااااااااااااااااااااااااااااااااااااااااااااااااااااااااااااااااااااااااااااااااااااام
ويكون قبول أعضاء النيابة العامة عن طريق تقييم يتكون من 20 نقطة ويتم توزيعها كالأتى :-
7 نقاط - لمقابلة اللجنة السباعية
3 نقاط - للنسبة المئوية ( أقل من 70 % نقطة - أكبر من 70 واقل من 75 نقطتين - اكبر من 75 ثلاث نقاط )
4 نقاط - لسلامة التحريات
4 نقاط - للوضع المالى والإجتماعي ( تقرير التفتيش القضائي )
نقطتين - للدراسات العليا ( للدبلومة نقطة - للماجستير نقطتين )
...........................................................................................
علما بأن من لديه عوار في تحرياته أو حصل على أقل من 4 أصوات من الأصوات السبعة في المقابلة الشخصية يكون راسباً ... أياً كانت النقاط الأخرى التى حصل عليها في باقي النواحي
.........................................................................................
المصدر :- مكتب تعيينات النيابة العامة " التفتيش القضائي "
بعد كده بيتم التنسيق مع الاعضاء الجدد على ميعاد حلف اليمين واستلام الكارنيهات والذى منه وان شاء الله تشوف ده بنفسك