المعهد الفني الصحي - شرح مفصل للاختبار الطبي للبنات وبعض النصائح

الكشف الطبي للمعهد الصحى

 مبدايا كده مبتحتجيش اى ورق معاكي غير الكارت الابيض بس مفيش دخول بشنطه أو غيره بتسبيها مع الأهل برا أو الامنات نبدا......... 

أولا الكل بيدخل وبتقعدوا فى لجنه وبعدين بتيجى ظابط تقسم المجموعات وكل مجموعه بتكون معاكوا قائدة بتكون مسكه الورق بتاعك ومسووله عنك وبتعرفك على القواعد والمفروض تعملى ايه بتبدا المجموعات تمشى لحد متوصل مكان الكشف الطبي
 (مكان الكشف الطبي السنادى فى المعادى فى صاله الالعاب الرياضيه)
 بعد كده بتبدا مجموعه مجموعه تدخل بتروحي الأول تغيرى هدومك وبتلبسي الجون بيكون تحته الاندر والبراء بس غير كده لا وشوذ فى رجلك وبشعرك طبعا بعد كده بتبدا القائدة تاخدك وتلف على العيادات بتدخلى على عيادة القلب الدكتور بيكشف بالسماعه على صدر والبطن وخلاص بعد كده بتدخلى نفسيه وعصبيه وبدخلوا مجموعات وتقفوا صف الدكتور بي طلب منك تفردى ايديكى وكل واحده تقول اسمها ورقمين 44-66 وبعد كده بتطلعوا وتدخلوا عيادة تانيه جراحه الدكتور بيكشف بطنك وإذا عملتى البواسير قبل كده وبعد كده بتروحى عياده الجلديه الدكتوره بتشوف إيدك بتعرق ولا لا وبتشيلي الجون وتشوف اى آثار فى الجسم خاصه بالجلديه بعده كده بتدخلى عياده العظام الدكتور بيشوف فى تقوس او انحناء وبيطلب ترفعى إيدك قدامك وتقعدى على الأرض عشان لو فى خلل فى الأقدام وبعد كده بتروحى عياده الأسنان الدكتور بيشوف التقويم الأسنان ولو فى خلل فى اى سن او درس او تركيب وبعد كده بتروحى عياده الرمد بتقفوا صف بيمر الدكتور عليكوا بكشف عشان يعرف فى رمد او اى حاجه فى قاع العين وتقفوا على اللوحه بتاعت الدوائر وتغطى عين وتقولى والعكس وبعدين بتروحى عيادة اللياقة البدانيه بتتوزنى وتشوفي الطول والتناسق ما بنهم وبعدين تروحى لعيادة الأنف والاذن بيشوف بالمنظار لو فى خلل او حاجه فى الودان وطبعا انتى بتعملى قبل الكشف بيوم غسيل ودان وبعدين تروحوا عيادة البطن بتنامى على السرير والدكتور بيخبط على بطنك وخلاص بطلعى وتروحوا عيادة النسا وطبعا دى دكتورة وده خاص بكشف العذرية وبعد كده تكونى خلصتى الكشف الطبي القائدة بتاخدك عشان تلبسي هدومك وبعدين تاخد المجموعه وتروحى تستنى النتيجه انتى بتدخولى الساعه8  وبتخلصى على الساعه 2 او 3بالكتير بتستنى 3 ساعات وتعرفى النتيجه لو ناجحه بتروحى تانى يوم تكملى وتعالى التحاليل والاشعه والسنار ولو ساقطه بيحددوا ليكى يوم تعرفى انتى نزلتى فى ايه وتعملى تظلم .............. 

ملاحظات انتي مبتعرفيش نتجتك بعد كل كشف القائدة بتاعتك هى معاها الورق بتاعك بعد كل كشف الدكتور بيقيم لائق او لا وبيكتبلك ويختملك وطبعا كل واحد بيكون عارفه هو نزل فى ايه خلال الكشف لو فى حد غير لائق الدكتور بيقولها خدى خطوه لقدام مثلا او ياخد الكارت بتاعه ممكن يعدلك الكشف عشان يتأكد مهم جدا ممنوع ممنوع الكلام او الاستظراف والكشوفات الخاصه مش تقلقي ده مجرد كشف عادى ولا تخافى الكارت الابيض بتاعك ممنوع يضيع معاكي لحد متخلصي وبكده يكون خلص يوم الكشف الطبى وبالتوفيق للجميع