كلية الشرطه - شرح بالتفصيل لكيفية التسجيل علي الانترنت

موقع التقديم لكلية الشرطة

http://academy.moiegypt.gov.eg/policeonlineservi…/order.aspx


هتفتح الموقع من المتصفح بتاعك لو مرديش جرب اى متصفح تانى وتالت وممكن ميرداش يفتح بسبب الضغط على الموقع فا متقلقش ومتستعجلش

جهز كل بيانات والدك ووالدتك وافضل اعمل ريفريش لحد ما الموقع يفتح وجرب اكتر من متصفح

اكتب البيانات صح واتاكد انها صح بالظبط وهيجيلك فى الاخر 3 ايام تختار منهم يوم تروح فية تسحب ملف ويا اما ( تقيس وزن وطول او تمتحن قدرات ) لسة متحددش بالظبط اللى هيتم السنة دة

وهتروح فى اليوم اللى اختارتة تسحب فية الملف بــ 200 جنية

وبكرة بليل هنزل شرح بالصور ان شاء الله لكل خطوات التقديم على الموقع بالظبط وبالصور

وطبعا الورق اللى هتاخدة معاك اول يوم هتلاقية فى الموقع وانت بتسجل

الناس اللى هتسجل والموقع يقولهم رقم البطاقة ورقم الجلوس غير متوافق وهو متاكد انة كاتب صح دة هيروح ع الكلية او هيروح لجنة الحاسب الالى يسجل هناك

لما تسجل هتلاقى رقم ملف دة بتكتبة فى ورقة وتاخدة معاك وانت رايح اول يوم

اللى بيكتب البيانات والنت بيفصل او بيحصل اى حاجة وبيعوز يعمل استكمال للبيانات او تعديل حاجة بيدخل هنا

http://academy.moiegypt.gov.eg/policeonl…/recive_stu_id.aspx

..........................................

المتخصصين وطلبة الدبلومة الامريكية والدور التانى واللى واخد ثانوية من برة مصر

كل دول بيروحوا ع الكلية على طول متستعجلش وخليك براحتك خااالص

الدبلومة الامريكية والشهادات اللى من برة مصر انت بتروح هناك فى الكلية تعمل المعادلة ويحسبوا مجموعك ويشوف ينفع ولا لا

الدور التانى انت هتروح فى لجنة الدور التانى وهتمشى فى الاجراءات عادى وهتفهم الدنيا ماشية ازاى معاك

خريجين الكليات الخاصة ليهم تقديم عادى لو تخصصهم مطلوب

اظن مفيش اسئلة تانية واقرا الكلام كويس قبل ما تكتب اى حاجة