كلية الشرطة - إختبار المقاس والقوام شرح مفصل
إختبار المقاس والقوام :
المطلوب:
- كارت التردد
- صورتين ٤*٦
- قلم جاف
- البطاقه
الشرح
اولاً : طبعاً يا رجاله ده تانى اختبار بعد القدرات وبيتحددلك ميعاده على النت من خلال موقع الوزاره إذا كنت لائق فى اختبار القدرات .ثانيا: بتدخل من البوابه بالبطاقه وكارت التردد وأول ما هتدخل هتلاقى عساكر قولهم إنه تانى اختبار ليك وعندك مقاس وقوام لإنك هتلاقى صفوف واقفه ، صف لسحب الملف وصف للمقاس والقوام وصف للطبى وهكذا تقف مع المقاس والقوام وهيجى طالب ياخدكم مجموعات بردوا وبعدين بتتقسموا لجان .
ثالثا: هتطلع لجنتك وهيبقى معاك طالب دايما هيديك ورقتين هتملأهم فيها بياناتك انت وقرايبك وهتدبس الصورتين ف الورقتين هو بيفهمك
رابعا: بتروح أول حاجه ع الطول باللجان وده عباره عن إيه ؟ بيبقى جهاز لقياس الطول بتقف عليه من غير كوتشى وبهدومك عادى وبيبقى مسكك ظابط او شخص عموما اللى بيقيسلك طولك وبيقوله للظابط اللى قاعد بيكتب بصوت عالى ع سبيل المثال ١٧٥ ،١٨٥ وهكذا ولو أقل من ١٧٠ بيقول تحت الطول وطبعاً الطول المطلوب من ١٧٠+ يعنى ١٦٩ هتكون غير لائق وبتعرف فى ساعتها وتقريباً هيقولك إلعب عقله وتعالى كمان أسبوع تانى .
خامسا: بعد ما بتخلص القوام بتنزل تستنى فى المدرجات اللى امتحنت فيها القدرات لحد ما الكل يخلص وينزل وبعدين ياخدوا لجنه لجنه تطلع على الوزن طيب الوزن عباره عن ايه ؟ بتخلع هدومك وبتطلع عالميزان بتوزن وبيطلع منه ورقه من غير ما بتشوفها بتديها للظابط وبيدبسها ف الورقتين اللى انت ملأتهم واللى دبست فيهم الصورتين وبعد كده بتخرج تغير هدومك وبتروح بيتك تستنى النتيجه على النت .
سادسا: طبعاً انت بتبقى عارف نتيجه القوام وبيبقى على النت مكتوبلك لائق أول ما بتروح إذا كان طولك ١٧٠+ بس قدام المقاس بيبقى فراغ وده اللى بتستنى نتيجته بعدها بيوم او بيومين .
وبالتوفيق يارجاله
طيب انا كان المفروض انى اجى المقاس والقوامد دة يوم 31 ومكنتش اعرف اية العمل دلؤت
ردحذفاسال هنا
حذفhttps://www.facebook.com/groups/7arbya.4orta.II
معذرة للاسف في حالة ضياع ورقة الباركود وابتي بطاقة التردد علي كلية الشرطة وعليه اختبار طبي يوم 25/9/2017 اخليه يروح الاختبار ولا للاسف فرصته ضاعت ارجو من سيادتك الرد لو تسمح
ردحذفلا طبعا يروح ويشرح موقفه هناك وهو ونصيبة بالتوفيق
حذفطيب هو مفيش قياص عرض الصدر ولا ده يوم تانى ؟؟؟
ردحذفبالنسبه حضرتك انا معادى فى امتحان المقاس والقوام انهارده ١٣/٢/٢٠١٨
ردحذفومعرفتش غير دلؤتى تروح تانى يوم عادى
يا ريت الرد من حضرتك ضرورى
انت بتهري لان متخصصين شرذة من 165 سم
ردحذفطيب سبنالك المفهومية يا سيدي وبدل ما تتقطم علينا روح ساعد غيرك
حذفالسلام عليكم انا 182 الطول
ردحذفوالوزن 73 كده تمام ولا ايه
لو سمحت انا اختبرت المقاس والقوام ولسه ما ظهرش حتي ليا القوام ع النت ده عادي
ردحذفالنتيجة لائق في المقاس والقوام بس متحددش يوم اروح فية اعمل اية
ردحذفنفس الشئ
حذففي حاله التخلف عن ميعاد الاختبار التالي لاختبار السمات ما الحل
ردحذفبرجاء الافادة
انا جالي المقاس لائق وقدام القوام فارغ هبقي لائق وهيجيلي الاختبار الثالث ولا غير لائق
ردحذفانا سقت وزن اعمل اية وكم يوم سماح وادخول اعادة الوزن
ردحذفالصفحه الرئيسية للشرطة مكنتش بتفتح وفتحت والمعاد فات اعمل ايه ارجو الرد السريع
ردحذفالقوام غير لائق أعمل أية
ردحذف